21-декабрда Транспорт жана муниципалдык менчик боюнча вице-мэр Азиз Алымкулов "Бишкек монорельстүү транспорт системасы" долбоорунун бет ачарын өткөрдү.
Анын айтымында, долбоор шаардык транспорттун сапатын жана туруктуулугун жогорулатууга, ошондой эле жол коопсуздугун камсыз кылууга багытталган.
Вице-мэр мындай тутумдун артыкчылыгы анын жүк көтөрүмдүүлүгү, айлана-чөйрөгө ыңгайлуулугу, интеграциясы, көчөлөрдөн түшүрүүлөрү жана коопсуз кыймылы экендигин белгиледи.
Ал кошумчалагандай, монорельстин курулушу Ала-Арча жана Аламүдүн дарыяларын бойлой пландаштырылып жатат. Ошондуктан монорельстин тирөөчтөрүн орнотууда тоскоолдуктар жаралбайт.
Долбоорго ылайык, жалпы узундугу 37 км, 32 бекет, 2 линия, жүк ташуу сыйымдуулугу 150дөн 180 жүргүнчүгө чейин, монорельстин бийиктиги 5-7 метрди түзөт.
Долбоорду мамлекеттик-жеке өнөктөштүктүн алкагында ишке ашыруу пландаштырылууда.
"Долбоор кымбат жана узак мөөнөттүү экендигин түшүнөбүз, бирок алдыга умтулуп, заманбап келечекке интеграциялаш керек", - деди вице-мэр.
Пикирлер (4)