Борбордогу Горький көчөсүнүн аталышын шейх Нахайян деп өзгөртүү сунушталууда

Бишкекте Максим Горький көчөсүн Шейх Заид бин Султан Аль Нахаян көчөсү деп өзгөртүү маселеси талкууланууда.

 “Бишкекбашкыархитектуранын” басма сөз кызматынан билдиргендей, учурда аталган маселе шаардык бийлик органдары тарабынан талкууланууда. “Көчөнүн аталышын өзгөртүү маселесин комиссия карай элек”, - деп билдиришти ведомстводон.

Маалымат үчүн: Заид ибн Султан ибн Заид ибн Халифа Аль Нахайян – Бириккен Араб Эмираттарынын негиздөөчүсү жана биринчи президенти (1971-2004- жылдары), Абу-Дабинин эмири (1966-2004-жылдары).