Боронов баткендиктер менен жолукпай койду, эл нааразы болууда

Баткен облусуна чек ара чатагы боюнча иш сапар менен барган биринчи вице-премьер-министр Кубатбек Боронов жергиликтүү тургундар менен жолукпай койгон. Буга баткендиктер нааразы болуп жатканын Телеграмдагы «Сейчас.kg» баракчасы маалымдады.

“Биздин күч кызматкерлери элди коргоо үчүн эмес, биринчи вице-премьер-министр Кубатбек Бороновду коргоо үчүн келиптир. Ал эл менен жолугуп, калктын көйгөйүн укпай жатат”, - деп айтылат аталган маалыматта.

Буга чейин өкмөт Боронов менен Өзбекстандын премьер-министри Абдулла Ариповдун жолугуша турганын кабарлаган.