Бразилияда сутка ичинде дээрлик 40 миң адамдан COVID-19 аныкталды

Бразилиянын Саламаттыкты сактоо министрлиги өткөн сутка ичинде өлкөдө COVID-19 вирусу аныкталган 39 483 учур катталып, жалпы эсеп 1 228 114кө жетти деп билдиргендигин бүгүн, 26-июнда РИА “Новости” маалымдады. Акыркы суткада 1 141 бейтап каза таап, пандемия башталгандан берки өлгөндөрдүн саны 54 971 адамды түздү деп айтылат маалыматта.

Бүткүл дүйнөлүк саламаттыкты сактоо уюмунун маалыматы боюнча дүйнөдө 26-июнга карата 9,2 миллион адамдан вирус аныкталып, 479 миңден ашыгы көз жумушту. Эскерте кетсек коронавирус боюнча маалыматтар ар 30 мүнөт сайын жаңыланып турат.