Өткөн сутка ичинде Бразилияда коронавирус жуктуруп алган жаңы 22 765 учур катталдагандыгын өлкөнүн Саламаттыкты сактоо министрлиги маалымдады. Ошондой эле сутка ичинде 1 238 бейтап көз жумду.
Учурда бул өлкөдө коронавируска кабылгандардын саны миллионго чукулдады – 978 142 адамды, алардын арасынан каза тапкандары – 47 748ди түздү. Бразилия коронавирустун жайылуусу боюнча АКШдан кийинки экинчи орунда бара жатат.
Эмне үчүн Бразилияда коронавируска кабылгандар көп катталууда? Анын себебин Сан-Паулу университетинин профессору, вакцинология боюнча эксперт Элдер Накая вирустун импорттолгон учуру көп экендиги менен түшүндүрдү. “Бразилия эбегейсиз чоң өлкө, Түштүк Америка континентиндеги тогуз жолдун тоому”, - деп айтты профессор.
Пикирлер (0)
Пикир жок. Сиз биринчилерден болушуңуз мүмкүн