Бүгүн Бишкекте 4 күндүзгү стационар жабылат

Бишкек шаарында ооруп кайрылгандардын саны азайганына байланыштуу 4 күндүзгү стационар ишин токтотот. Бул тууралуу шаардык мэриянын маалымат кызматы билдирди.

Маалыматка караганда, бүгүн, 18-августта төмөнкү стационарлар жабылат:

- Жайыл Баатыр көчөсү, 66 – “Газпром” комплекси;

- “Чыгыш – 5” кичирайонундагы Раатбек Санатбаев атындагы спорт мектеби;

- №68 мектеп-гимназиясы;

- №96 орто мектеп.

“Акыркы суткада 6 стационарга медициналык жардам алуу үчүн 150 тургун кайрылган. Жалпы 100 миңден ашык жаранга медициналык жардам көрсөтүлгөн. Ал эми шаардык поликлиникаларда жана кызыл аймактарда 2 ммң 247 медик кызмат өтөөдө”, - деп айтылат маалыматта.