Бүгүн Бишкекте эки көчө убактылуу жабылат

Бүгүн Бишкекте Кыргызстан-Иран футболдук беттешине байланыштуу эки көчө жабылат.

Саат 14:00дөн баштап оюн аяктаганга чейин эки көчөдө унаа кыймылына чектөө киргизилет:
- Фрунзе көчөсү Тоголок Молдо көчөсүнөн Панфилов көчөсүнө чейин;
- Тоголок Молдо көчөсү Чүй проспектисинен Фрунзе көчөсүнө чейин жабылат.

Жол кыймылынын коопсуздугун камсыздоо башкы башкармалыгы айдоочуларды жолго чыгарда багыттарын алдын ала пландап алууну эскертет.

Белгилей кетсек, бүгүн Кыргызстандын курама командасы 2026-жылдагы Дүйнө чемпиондугунун үчүнчү тандоо раундунун алкагында Ирандын курамасы менен ойнойт.

Оюн борбор калаадагы Дөлөн Өмүрзаков атындагы стадиондо саат 20:00дө башталат.