Бүгүн Түркиядан 233 кыргызстандык кайтып келет

Бүгүн, 4-июлда Стамбул-Бишкек багыты боюна 233 кыргызстандык келет. Бул тууралуу Түркиядагы Элчиликтен билдирди.

Маалыматка ылайык, Кыргызстан менен Түркиянын Өкмөттөрү ортосунда жетишилген макулдашуунун натыйжасында, 4-июлунда саат 08.00дө Стамбул шаарынын Сабиха Гокчен атындагы эл аралык аэропортунан Стамбул-Бишкек багыты боюнча “Пегасус” авиакомпаниясынын чартердик рейси аткарылат.

Кайтып келген жарандар белгиленген тартипте тиешелүү медициналык процедуралардан өтүү үчүн обсервацияга жайгаштырылышат.