Бүгүн дагы үч базарда нааразылык акциясы өттү

Бүгүн Кара-Балта, Токмок жана "Дордой Моторс" базарларында ККМге каршы нааразычылык акциясы өттү.

Чогулган соодагерлер патентти калтырып талап кылышып, ККМге каршы болушууда.

Белгилей кетсек, базардагы соодагерлердин митинги 29-ноябрда башталган. Алгач Оштогу "Кара-Суу" базарында иштегендер райондук администрациянын алдына чогулуп ККМ колдонууга каршы экендигин айтышкан. Эртеси, 30-ноябрда, "Дордой", "Мадина", "Орто-Сай" базарындагылар чогулуп патентти калтырууну талап кылышкан. Мындай митингдер 1-декабрда да уланган.

Эске салсак, Садыр Жапаров салык салуу маселесинде кимдин талабы (өкмөт же соодагерлер) туура экенин аныктоо үчүн жумушчу топ түзгөн. Ал эми министрлер кабинетинин төрагасы Акылбек Жапаров белгилүү бир күчтөр соодагерлерди тукуруу аракетин көрүп жатканын белгилеген.