Бүгүнкү күнгө күтүлгөн аба ырайы туурасында маалымат

Бүгүн, 16-апрелде Кыргызстанда түнкүсүн көпчүлүк аймактарда маал-маалы менен жаан, тоолуу райондордо кар жаайт, деп билдирди Кыргызгидромет борбору.

Ысык-Көл облусунун кээ бир аймактарында жаан-чачын катуу жаайт. Күндүз кээ бир райондордо жаан, тоолуу аймактарда кар жаайт. Тоолуу райондордо жолдор тайгак болот. Батыш тараптан соккон шамалдын ылдамдыгы секундасына 4-9 метрден, Ысык-Көл, Нарын облустарынын кээ бир жерлеринде 15-20 метрге жетет.​

Абанын температурасы:

Чүй облусунда түнкүсүн 1…6, күндүз 11…16;

Талас облусунда түнкүсүн 0…5, күндүз 10…15;

Ош, Баткен, Жалал-Абад облустарында түнкүсүн 3…8, күндүз 15…20;

Ысык-Көл облусунда түнкүсүн 0…5, күндүз 9…14;

Нарын облусунда түнкүсүн 0…5, күндүз 8…13;

Бийик тоолуу аймактарда түнкүсүн -4…-9, күндүз -2…+3 градус болот.

Бишкек шаарында түнкүсүн жаан жаайт, күндүз жаан-чачын жаабайт. Абанын температурасы түнкүсүн 2…4, күндүз 14…16 градус болот.