Бүгүн, 1-сентябрдан тарта Бишкек шаарында коомдук транспорт кадимки тартипте жүрүп баштады. Бул тууралуу мэриянын басма сөз кызматы билдирет.
Маалыматка караганда, автобус, троллейбус жана маршруткалар кадимки режимде иштеп, эртеден кечке чейин белгиленген тартипте шаар тургундарына кызмат көрсөтөт.
"Санитардык нормаларды сактап, беткап тагынуу керектигин эске салабыз. Коомдук унаалардын ичинде антисептикалык каражаттар коюлуп, нымдуу чүпүрөк менен сүртүлүп турат жана дезинфекцияланат. Жүргүнчүлөр автобус менен троллейбустарда "Тулпар" картасы менен төлөм жүргүзө алышат", - деп айтылат маалыматта.
Пикирлер (1)