Быйылкы бүтүрүүчүлөр Жалпы республикалык тестирлөөдө 21-июнда негизги тестти, ал эми 23-июнда предметтик сабактар боюнча тестти тапшырышат. Бул тууралуу билим берүү жана илим министри Каныбек Исаков онлайн брифингде билдирди.
Анын айтымында, тестирлөөнү өткөрүү үчүн 117 борбор даярдалып, санитардык талаптар катуу көзөмөлдөнөт.
Министр белгилегендей, республикалык тестирлөө 24-25-июнда 2 этап менен өткөрүлөт. Ар кандай себептерге байланыштуу каттоого жана тестирлөөгө катыша албай калган окуучулар 11-12-июлда катыша алышат. Ал эми тесттин жыйынтыктары 13-19-июль күндөрү белгилүү болот.
Бул жылы ЖРТга катышуу үчүн 41 727 абитуриент каттоодон өткөн.
“Жогоруда аталган борборлордо даярдык иштери аяктоодо. Тестирлөөнү өткөрүүдө санитардык- эпидемиологиялык ченемдер, окуучулардын арасында социалдык аралык сакталып, алардын дене табы текшерилип турат”, - деп кошумчалады Исаков.
Пикирлер (0)
Пикир жок. Сиз биринчилерден болушуңуз мүмкүн