Бүгүнкү күндө өлкөнүн бюджетин колдоо үчүн көрсөтүлгөн сумманын ичинен 291,9 млн АКШ доллары Эл аралык валюта фондунан жана Азия өнүктүрүү банкынан келип түштү. Бул тууралуу финансы министри Бактыгул Жеенбаева 23-июндагы брифингде билдирди.
Анын айтымында, учурда чет элдик донорлор менен сүйлөшүү уланууда.
"Жыл аягына чейин бюджетти колдоого Евразия турукташтыруу жана өнүктүрүү фондунан – 100 млн АКШ долларын тартып келүү пландалууда. Бул багытта донорлор менен сүйлөшүүлөр уланууда", - деди ал.
Анын айтымында, өкмөт тарабынан 1-апрелден 22-июнга чейин Эл аралык валюта фондунан жана Азия өнүктүрүү банкынан алынган каражаттын эсебинен 13,9 млрд сом социалдык маанилүү иш-чараларга сарпталган.
Пикирлер (0)
Пикир жок. Сиз биринчилерден болушуңуз мүмкүн