Ч.Айдарбеков Азербайжандын элчиси Г.Оруджевди кабыл алды

Тышкы иштер министри Чынгыз Айдарбеков Азербайжандын Кыргызстандагы элчиси Г.Оруджевди кабыл алды. Бул тууралуу Министрликтин басма сөз кызматы билдирди.

Жолугушуунун жүрүшүндө COVID-19 коронавирустук инфекциясынын жайылышына байланыштуу кырдаалдын контекстиндеги актуалдуу темалар, ошондой эле кыргыз-азербайжан кыматташтыгынын маселелери талкууланды.

Мамлекеттер аралык саясий, соода-экономикалык, ошондой эле маданий-гуманитардык кызматташтыктарды активдештирүү, атап айтканда, жакынкы арада видеоконференция форматында тышкы иштер министрлеринин орун басарларынын деңгээлинде биринчи кыргыз-азербайжан консультацияларын өткөрүү жөнүндө макулдашуулар жетишилди.