Бишкек шаарындагы Чолпонбай Түлөбердиев атындагы сейил бактын курулуш иштери 95 пайызга бүттү. Бул тууралуу Бишкек шаарынын мэриясынын басма сөз кызматынан билдирди.
Маалыматка ылайык, парктын жолдору оңдолуп, электр жарыктары орнотулуп бүткөн. Эми 120 отургуч коюлуп жана Чолпонбай Түлөбердиевдин эстелиги орнотулат. Мындан сырткары скейтборд сүйүүчүлөрү үчүн атайын аянтча курулат.
Эске салсак, бүгүн, 13-апрелде Советтер Союзунун баатыры Чолпонбай Түлөбердиев 98 жашка толмок. Ал Улуу Ата Мекендик согуш учурунда дзотту көкүрөгү менен тосуп, баатырларча курман болгон.
Пикирлер (0)
Пикир жок. Сиз биринчилерден болушуңуз мүмкүн