Бишкек шаарынын социалдык саясат боюнча вице-мэри Виктория Мозгачева ишине киришип, биринчи күнү эле акимдердин орун басарлары жана 118 колл-борборунун операторлору менен кѳчмѳ жыйын ѳткѳрдү. Бул тууралуу мэриянын басма сөз кызматы билдирди.
Маалыматка караганда, вице-мэр колл-борбордун операторлорунун иштѳѳ шарттары менен таанышты. Эскерте кетсек, борбордо күнү-түнү клиникалык ординаторлор, ѳз ыктыяры менен келген дарыгерлер иштеп, шаардыктарга Саламаттыкты сактоо министрлигинин алгоритми боюнча акысыз медициналык кеңеш беришет.
Операторлор чалуулар азайгандыгын, июль айынын башында күнүнѳ 5 миңге чейинки чалуулар болсо, азыр бир жарым миңден чалуу болуп жаткандыгын билдиришти.
Вице-мэр мындан ары чалуулар азая турган болсо, колл-борбор түнкү режимди сактоо менен тѳрт районго жайгаштырыларын билдирди.
Эскерте кетсек, ооругандардын саны кескин кѳбѳйгѳндүгүнѳ байланыштуу 118 ѳзүн-ѳзү диагноздоо борбору №2 мектепке ачылган.
«Ѳзүн-ѳзү диагноздоо 118 линиясы» долбоору Саламаттыкты сактоо министрлиги, «Сорос-Кыргызстан» фонду, шаардык саламаттыкты сактоо башкармалыгы жана райондук акимиаттар менен биргеликте ишке ашырылууда.
Пикирлер (0)
Пикир жок. Сиз биринчилерден болушуңуз мүмкүн