Жалал-Абад облусуна караштуу Чаткал районунун акими Канжар Эшалиев кызматынан бошотулду. Бул тууралуу жалпыга маалымдоо каражаттарына өкмөттүн Жалал-Абад облусундагы өкүлү Нурболот Мирзахмедов билдирген.
Канжар Эшалиев өзү берген арыздын негизинде кызматынан кеткен. Ал районду 2013-жылдын июнь айынан бери жетектеп келаткан.
Анын ордуна өкмөт башчы Мухаммедкалый Абылгазиевдин буйругу менен Чаткал райондук администрация башчысы болуп Жуманалы Накетаев дайындалган. Ал буга чейин акимдин биринчи орун басары болуп иштеп келген.
Пикирлер (0)
Пикир жок. Сиз биринчилерден болушуңуз мүмкүн