Жалал-Абад облусунун Чаткал районундагы "Сарай-Сай" кенинен көлөмү 1100 тоннадан ашык алтын рудасын мыйзамсыз ташып чыгуу фактысы аныкталды. Бул тууралуу Улуттук коопсуздук мамлекеттик комитетинен билдиришти.
УКМК улуттук коопсуздукту камсыздоо боюнча жүргүзүлүп жаткан иш-чаралардын жүрүшүндө "Сарай-Сай" кенинен көлөмү 1100 тоннадан ашык алтын рудасын мыйзамсыз ташып чыгуу, андан соң жалган документтер менен кийин Кара-Балта тоо-кен комбинатына сатуу максатында алып кирүү фактысын аныктады.
Аталган факты боюнча УКМК тарабынан кылмыш иши козголуп, анын алкагында 2024-жылдын 25-июнунда КР жарандары М.Д.З., М.А.Б. жана Ч.И.Б. кармалды.
Кармалгандар жасаган кылмыштарын мойнуна алып, 2024-жылдын 27-июнунда Биринчи Май райондук сотунун чечими менен кармалгандардын экөөсү УКМКнын тергөө абагына киргизилди.
Бүгүнкү күндө бул мыйзамсыз ишке тиешеси бар башка адамдарды аныктоого багытталган тиешелүү тергөө-ыкчам иш-чаралары жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн