Чек арада жашаган балдар Ысык-Көлгө эс алууга жөнөтүлдү

Баткен облусундагы мамлекеттик чек аранын кыргыз-тажик тилкесинде 28-30-апрель күндөрүндө болгон окуяларда жабыркаган чек ара айылдарынын балдары менен мугалимдери бүгүн, 5-июнда, Ысык-Көл облусуна эс алууга жөнөп кетишти. Бул тууралуу президенттин басма сөз кызматы билдирет.

Кыргыз Республикасынын Балдар укугу боюнча ыйгарым укуктуу өкүлү Жыпариса Рысбекова билдиргендей, чек ара айылдарынан 100 бала жана 15 мугалим Кыргыз Республикасынын Президенти Садыр Жапаровдун демилгеси менен, ошондой эле Мамлекет башчысынын «Баткен облусунун чек арадагы айылдарын калыбына келтирүү жана өнүктүрүү боюнча биринчи кезектеги чаралар жөнүндө» Жарлыгын аткаруу максатында Ысык-Көл облусундагы« Жалын „балдардын ден соолугун чыңдоо борборуна 10 күнгө жиберилди.

Эс алуу учурунда балдар менен психологдор жана аниматорлор иштешет. Ошондой эле искусство өкүлдөрүн тартуу менен маданий программа дагы даярдалган.

Иш-чара мамлекеттик чек аранын кыргыз-тажик тилкесинде болгон окуяларда стресс болгон балдарды калыбына келтирүүгө багытталган.

Ден соолук чыңдоочу борборлордо балдардын саламаттыгына кам көрүү боюнча мындай иш-чаралар улантыларын белгилейбиз.