Чек арадан адамдарды мыйзамсыз алып өтүп турган жарандар кармалды

 Мамлекеттик чек арадан жарандарды мыйзамсыз алып өтүп турган туруктуу каналдын ишине бөгөт коюлду. Бул тууралуу мекеменин басма сөз кызматы билдирди.

УКМК тарабынан мамлекеттик чек арадан мыйзамсыз өтүү фактыларын аныктоо жана бөгөт коюу боюнча ыкчам -иликтөө иш-чаралардын жүрүшүндө, Кыргыз Республикасынын жарандары "Э.К." жана "Э.Ж.А." кармалды.

Такталгандай, кармалган адамдар, Кыргыз Республикасынын мамлекеттик чек арасын мыйзамсыз кесип өтүү үчүн бирге иштешүү жолу менен, жарандарды коңшу өлкөгө алып өтүп турган.

Азыркы учурда «Э.А.К.» жана «Э.Ж.А.» аттуу жарандарга карата бул кылмышка тиешеси бар башка адамдарды аныктоого багытталган тергөө аракеттери жүргүзүлүүдө. 

КР УКМК мамлекеттик чек арадан мыйзамсыз өтүү кылмыш болуп саналаарын, бул үчүн Кыргыз Республикасынын Кылмыш -жаза кодексинде 3 жылга чейин эркинен ажыратуу же 260 000 сомго чейин айып салуу каралгандыгын эскертет.