2-июнда УКМК тарабынан ИИМдин Кылмыш иликтөө башкы башкармалыгынын кызматкери, милициянын подполковниги Д.М.К. чет элдик жарандан акча талап кылуу фактысы боюнча кармалды.
Атайын кызматтан билдиришкендей, тинтүү иштеринин жүрүшүндө, анын иш бөлмөсүнөн жарылуучу граната (болжолдуу түрдө) жана экстремисттик мүнөздөгү адабияттар табылган.
Маалыматка ылайык, кармалган жаран системалуу түрдө чет элдиктерден акча талап кылуу менен алектенген жана ошондой эле Кыргызстандын аймагында жайгашкан айрым чет өлкөлүк жеке жактарга формалдуу эмес жардам көрсөтүп жүргөн.
Шектүү учурда УКМКнын убактылуу кармоочу жайына киргизилди.
"УКМК ИИМдин кызматкери М.Д.нын мыйзамсыз аракеттери тууралуу маалыматы бар жарандарды УКМКга кайрылууну өтүнөт. Берилген маалыматтын купуялуулугуна кепилдик берилет",-деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн