Чет өлкөдөн кайтып келген жарандар боюнча иш аракеттин алгоритми

Саламаттыкты сактоо министрлигинин алгоритми боюнча чет өлкөдөн келип жаткан жарандардан COVID-19 вирусуна ПЧР-диагностикага анализдер алынат.

Республикалык штабдан кабарлашкандай, үч күн бою алар карантиндик зонада болушат. Эгерде анализи терс болуп, адам байланышкандардын катарына кирбесе, анда ал бардык эрежелерди жана талаптарды сактоого милдеттүү болуп, үй карантинине жиберилет. Эгерде үйдө тийиштүү шарттар жок болсо, анда Саламаттыкты сактоо министрлиги аны обсервациялардын бирине жайгаштырат.

Анализдин жыйынтыгы коронавирустун бар экенин көрсөтсө, жаран стационарга дарыланууга, ал эми анализи терс болгон байланыштагы адамдар медиктердин көзөмөлүндө обсервацияга жаткырылат.