Токтогул районуна караштуу Чычкан капчыгайында дагы бир май ташуучу унаа өрттөнүп кетти. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, бүгүн, 12-августта алдын ала маалымат боюнча Бишкек—Ош унаа жолунун 239-чакырымында (Чычкан капчыгайы) күйүүчү май ташыган оор жүк ташуучу унаанын прицеп-цистернасынан өрт чыккандыгы тууралуу маалымат түшкөн.
Өрттү өчүрүүгө саат 12:19да Токтогул райондук №97 Өрт-куткаруу бөлүмүнөн 1 бөлүм тартылган. Өрт ачык аянтта куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан 9 кызматкер тартылган. Унаалардын өтүүсү жол коопсуздугун камсыздоо башкармалыгынын кызматкрелери тарабынан көзөмөлдөнүүдө.
Белгилей кетсек, буга чейин Ала-Бел ашуусунда май ташуучу унаа өрттөнүп, айдоочу каза болгон.
Пикирлер (0)
Пикир жок. Сиз биринчилерден болушуңуз мүмкүн