Чыңгыз Айдарбеков: Чет өлкөгө чыгууга мажбур болдум

Чет өлкөгө чыгып кеткен Жогорку Кеңештин депутаты Чыңгыз Айдарбеков социалдык тармактагы баракчасы аркылуу билдирүү калтырды.

Анда, Айдарбек ден соолугуна байланыштуу чет өлкөгө чыгып, текшерүүдөн өтүүгө мажбур болгонун жана тез күндө Кыргызстанга кайтарын жазган.

"Бир нече күн байланышта болбогонумдун себебин сиздерге жеткирип коюуну чечтим. Буга чейин менин кесиптештерим маалымдагандай, ден соолугума байланыштуу пландаштырылган текшерүүнү өтүү үчүн чет жака чыгууга муктаж элем. Ал ортодо, Казакстанда куран окутуу зыйнаты да бар эле, андан соң медициналык текшерүү үчүн сапар уладым. Сиздер менен байланышка чыгуу мүмкүнүчүлүгү пайда болоор замат ушул кайрылууну жазуудамын",–деди эл өкүлү.

ЖК депутаты ошондой эле  кабатыр болуп, колдоо көрсөткөндөргө ыраазычылык билдирген.