Чынтемир Аширалиевдин жактоочусу апелляциялык арыз менен шаардык сотко кайрылды

Бишкекте үч адамды өлтүрүлүшү боюнча иш Бишкек шаардык сотуна келип түштү. Бул маалыматты соттун басма сөз кызматы тастыктады.

Чынтемир Аширалиевдин жактоочусу Октябрь райондук сотунун чечимине каршы апелляциялык арыз жазган.

Иш 20-декабрга белгиленди.

Белгилей кетсек, 2023-жылдын 16-февралына караган түнү Бишкектин 5-кичи районундагы батирден аялдын жана анын эки жашы жете элек баласы – 2005-жылы туулган кыз менен 2016-жылы туулган эркек баланын жансыз денелери табылган.

Милиция кызматкерлери адам өлтүрүүгө шектелип Чынтемир Аширалиевди кармашкан.