Чолпон-Атада ЕАӨКтүн тар курамдагы жыйыны өттү

Чолпон-Ата шаарындагы №2 мамлекеттик резиденциясында Евразия өкмөттөр аралык кеңешинин тар курамынын жыйыны болуп өттү.

Жыйындын башталышынын алдында делегация башчылары биргелешип сүрөткө түшүштү. 

Министрлер кабинетинин төрагасы Адылбек Касымалиев жыйындын катышуучуларын жылуу тосуп алып, кезектеги жыйындын алкагында кабыл алынган чечимдер Союздун алкагындагы интеграциялык процесстердин өнүгүшүнө оң таасирин тийгизип, экономиканын өсүшүн жана калктын жыргалчылыгын жогорулатаарына ишеним билдирди.

Кеңейтилген курамдагы ЕӨАКнын жыйыны 15-августта өтөөрү белгиленди.

14-15-августта өтүүчү ЕӨАКнын жыйынынын күн тартибине жалпысынан 20 маселе киргизилген.