“Чоң-Алайдагы жер Тажикистанга өтүп кетти” деп маалымат тараткан блогер табылды

“Чоң-Алайда "Алтын-Мазар" тилкеси Тажикстанга берилип кетти" деп маалымат тараткан блогер табылды. Бул тууралуу Чоң-Алай райондук мамлекеттик администрациясы билдирди.

Маалыматка караганда, укук коргоо органдары ал Жалал-Абаддын Ноокен районунда жашаган аял экенин аныктаган. Учурда аны жоопкерчиликке тартуу иштери жүрүп жатат.

"Чоң-Алай районунун аймагына тиешелүү эч кандай жер тилкеси Тажикстанга берилген эмес, тынчсызданууга негиз жок. Жалган маалыматтарга ишенбөөгө жана аны таратпоого чакырабыз", — деп жазды акимчилик.

Эскерте кетсек, социалдык тармактарда Тажикстанга Оштун Чоң-Алай районундагы жерлер (Алтын-Мазар) өттү деген маалымат тараган.