Чубак ажы Жалилов каза тапты

 

Белгилүү динаятчы, мурдагы муфтий Чубак Жалилов пневмония илдетинен улам 45 жашында дүйнөдөн кайтты.

Маалыматтарга ылайык, Чубак ажы Жалилов бүгүн, 11-июлга караган түнү Бишкек шаарындагы Улуттук госпиталга оор абалда жеткирилген.

Буга байланыштуу ага кычкылтек концентраторунан экөө дароо туташтырылган. Дарыгердин айтымында, бейтап ооруканага түшкөндөн бир сааттай убакыттан соң көз жумган.

Чубак ажы өпкөнүн сезгенүү оорусуна кабылып, буга чейин үйүндө дарыланып жатканы айтылган.

Ал Базар-Коргон районундагы Бай-Мундуз айылында 1975-жылы 21-январда туулган. Кыргызстандын муфтийи болуп 2010-2012-жылдары кызмат кылган.