Чүй облусунун башчысы Тыныбекова, Махмудов жана Жуманазарованы куттуктады

Чүй облусунун ыйгарым укуктуу өкүлү Эркин Тентишев Эгемендүүлүктүн 30 жылдыгына арналган спорттук мелдеш уюштурду. 

Бүгүн, 30-августта, Кант шаарындагы "Абдыш-Ата" стадионунда Кыргыз Республикасынын Президентинин Чүй облусундагы ыйгарым укуктуу өкүлүнүн кубогу өтүүдө, аталган иш-чара Кыргыз Республикасынын көз карандысыздыгынын 30 жылдыгына арналды.

Облустун спорт командалары гиря көтөрүү, аркан тартыш, армрестлинг сыяктуу спорттук дисциплиналар боюнча күч сынашат. Ошондой эле волейбол, чоң жана кичи футбол боюнча мелдештер өтүүдө.

Иш-чарага 100дөн ашык футбол жана волейбол командалары, армрестлинг, аркан тартыш жана чайник көтөрүү боюнча миңге жакын спортчу катышууда.

Аталган спорттук мелдешти өткөрүүгө облус жетекчи Эркин Тентишевдин жеке каражаттарынан 5 миллион сомдон ашык каражат бөлүнгөн.