Чүй облусунун Аламүдүн районунда муктаж үй-бүлөлөргө 360 миң сомдук жардам көрсөтүлдү. Бул тууралуу Кыргызстан Мусулмандарынын дин башкармалыгынын басма сөз кызматынан билдиришти.
Маалыматка ылайык, Аламүдүн районунун борбордук “Розалим” мечитинин жааматы 180 миң сомдук азык-түлүктү Лебединовка жана Гроздь айылындагы муктаж болгон 150 үй-бүлөгө берген.
Ошондой эле Пригородный айылынын мечит жааматы 50 миң сом топтоп, ага алынган азык-түлүктү 30 үй-бүлөгө таратышкан. Мындан сырткары кайрымдуулук иш-чарасы Арчалы айылында уюштурулуп, 30 миң сомдук азык-түлүк муктаж үй-бүлөлөргө жеткирилген.
Ал эми Озерное жана Беш-Күнгөй айылдарында да 100 миң сомдон ашуун каражат топтолуп, колунда жокторго жардам көрсөтүлгөн.
Пикирлер (0)
Пикир жок. Сиз биринчилерден болушуңуз мүмкүн