Бугу 19, 2024
Убакыт: 18:00
USD
88.20
89.10
EUR
95.40
96.40
RUB
0.960
0.975

Чүйдө алдамчылыкка шектелип үч жылдан бери изделип жаткан жаран кармалды

28.08.2023 16:57
242
Чүйдө алдамчылыкка шектелип үч жылдан бери изделип жаткан жаран кармалды


ИИМдин Кылмыш иликтөө башкы башкармалыгынын Үчүнчү башкармалыгынын кызматкерлери ири алдамчылык үчүн издөөдө жүргөн жаранды кармашты. Бул тууралуу ИИМдин басма сөз кызматы билдирди.

Маалыматка ылайык,  2020-жылы Бишкек шаарынын Свердлов районунун  ички иштер башкармалыгына борбор калаанынын жашоочусу арыз менен кайрылып, анда 2019-жылы күзүндө АКШга кетүү үчүн виза алууга жардам берем деген шылтоо менен ири өлчөмдөгү акча каражатын алып, изин жашырып кеткен жаранга карата тиешелүү чараларды көрүп берүүнү суранган.

Бул факты боюнча Бишкек шаарынын Свердлов РИИБде Кылмыш-жаза кодексинин “Алдамчылык”  беренеси боюнча кылмыш иши козголуп, шектүү издөөгө алынган.

"ИИМдин Кылмыш иликтөө башкы башкармалыгынын Үчүнчү башкармалыгынын кызматкерлери жүргүзүшкөн ыкчам-иликтөө иш-чараларынын жүрүшүндө издөөгө алынган жарандын жүргөн жери аныкталган. Ал ушул жылдын август айында Бишкек шаарынын аймагынан кармалды. Кармалган жаран мурда бир нече жолу соттолгон Токмок шаарынын жашоочусу 1980-жылы туулган М.А. болот.  Анын кылмыш дүйнөсү менен тыгыз байланышы бар жана алдамчылык жол менен жарандардын ири суммадагы акча каражаттарын, мүлктөрүн ээлеп алгандыгы үчүн кылмыш жоопкерчилигине тартылган", - деп айтылат маалыматта.

Азыркы учурда иликтөө иштери уланууда. Соттун чечими менен кармалган жаранга карата бир айга камакка алуу түрүндөгү бөгөт чарасы танталды.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн