Чүй облусунун Жайыл районунда кампадан өрт чыгып 41 жаштагы киши ооруканага жеткирилди. Бул тууралуу Өзгөчө кырдаалдар министрлигинин басма сөз кызматынан билдирди.
Маалыматка ылайык, Калинин айылынын Кара-Балта кыска көчөсүндө жайгашкан жыгач устундуу шифер жабылган кампанын 50 чарчы метр чатыры жана “ГАЗ-52” үлгүсүндөгү унаанын 2 дөнгөлөгү күйгөн. Өрт кырсыгынын кесепетинен 41 жаштагы А.Б. аттуу эркек киши II-III даражадагы күйүк алып, тез жардам кызматкерлери тарабынан ооруканага жеткирилген.
Ал эми учурда өрттүн келип чыгуу себеби такталууда.
Пикирлер (0)
Пикир жок. Сиз биринчилерден болушуңуз мүмкүн