Чүйдө стадиондун тосмосу урап түшүп, куруучу компанияга айып салынды

Москва районунда жаңы стадиондун тосмосу урап түшүп, куруучу компанияга айып салынды. Бул тууралуу Курулуш, архитектура жана турак жай-коммуналдык чарба министрлигинен билдиришти.

Маалыматка ылайык, күн мурун социалдык тармактарда стадиондун тосмосунун кулашы боюнча маалымат тараган. Бул окуяга байланыштуу Чүй облустук мамлекеттик архитектура-курулуш көзөмөлдөө башкармалыгы пландан тышкары текшерүү жүргүзгөн.

Анын жүрүшүндө жумуштардын буйрутмачысы Нарзан айыл өкмөтү болгондугу жана подрядчы "Нефрит ЛТД" ЖЧКсы экендиги белгилүү болду. Жумуштар эски тосмонун алмаштыруу долбоору боюнча жүргүзүлгөн. Бирок текшерүү көрсөткөндөй, жаңы курулуш бекемдик жана туруктуулук боюнча белгиленген талаптарга жооп бербейт.

Көрүлгөн чаралар:

• текшерүү актсы түзүлүп, аныкталган бузуулар жөнүндөгү фактылар тастыкталды;
• подрядчыга аныкталган кемчиликтерди жоюу боюнча көрсөтмө берилди;
• "Нефрит ЛТД" ЖЧКсына мыйзамга ылайык айыппул салынды;
• подрядчынын директору менен түшүндүрүү иштери жүргүзүлүп, болгон окуянын себептери боюнча жазуу түрүндө түшүндүрмө алынды.