Чүй облусунун Москва районунда уурулукка шектелип 24 жаштагы кыз кармалды. Облустук ички иштер башкы башкармалыгынан кабарлашкандай, жабырлануучу 100 миң сомдон ашык зыянга учураган.
Башкармалыктан билдиришкендей, 12-апрелде милиция кызматкерине 1957-жылы туулган жаран арыз менен кайрылган. Ал белгисиз адамдар үйүнө кирип уюлдук телефондорун, 60 миң сом, 500 доллар акчасын уурдап кеткендигин айткан.
Бул факты Кылмыштардын бирдиктүү реестрине 205-берене (уурдоо) боюнча катталган. Ыкчам издөө иш-чараларынын негизинде жогорудагы кылмышка шектелип 1998-жылы туулган И.М. аттуу жаран кармалып, убактылуу кармоочу жайга камакка алынды. Учурда сотко чейинки өндүрүш иштери улантылууда.
Пикирлер (0)
Пикир жок. Сиз биринчилерден болушуңуз мүмкүн