Чүй облусунда Ленин айыл өкмөтүнүн мурдагы кызматкери Д.А. жасалма документ менен 4 миң долларга жер сатып жиберген. Бул тууралуу Чүй облустук милициясынан билдиришти.
Маалыматка ылайык, милицияга А.Б. аттуу жаран арыз менен кайрылып, ал арызында Д.А. аттуу жаранга чара көрүүнү суранып, ал 2021-жылдын апрель айында үй салуу үчүн жасалма токтом берип, 4 миң доллар алгандыгын билдирген.
Аталган факты боюнча Кылмыш-жаза кодексинин алдамчылык беренесинин негизинде кылмыш иши козголгон.
Жүргүзүлгөн ыкчам иликтөө иш-чараларынын жүрүшүндө 27-сентябрда кылмышка шектүү жарандын өздүгү такталып, 1970-жылы туулган Д.А. кармалып, убактылуу кармоочу жайга киргизилген.
Учурда тергөө амалдары жүргүзүлүүдө.
Пикирлер (0)
Пикир жок. Сиз биринчилерден болушуңуз мүмкүн