Чүй облусунун Аламүдүн районунда жол кырсыгынан төрт адам жабыркады. Бул тууралуу Өзгөчө кырдаалдар министрлигинин басма сөз кызматынан билдирди.
Маалыматка ылайык, 10-майда саат 18:44тө Панорама дачасына бара жаткан жолдо “Хонда CRV” үлгүсүндөгү унаанын айдоочусу рулду башкара албай, унаа оодарылып кеткен. Натыйжада 4 эркек киши жабыркаган.
Куткаруучулар оор жаракат алган 35 жаштагы жаранды тоодон түшүрүп тез жардам кызматына өткөрүп беришкен, ал эми калгандары жеңил жаракат алышкан.
Пикирлер (0)
Пикир жок. Сиз биринчилерден болушуңуз мүмкүн