Чүйдөгү суу тартыштыгы: Суу чарба башкармалыгынын башчысы кызматынан бошотулду

Чүй башкы суу чарба башкармалыгынын башчысы Руслан Девяткулов кызматынан бошотулду. Бул тууралуу Айыл, суу чарба жана аймактарды өнүктүрүү министрлигинин басма сөз кызматынан кабарлашты.

Маалыматка ылайык, министрликтин кеңешме жыйынынын жүрүшүндө Мамлекеттик суу чарба агенттигинин директору Алмазбек Сокеевдин буйругу менен Чүй башкы суу чарба башкармалыгын башчысы Руслан Девяткулов ээлеген кызматынан бошотулган.