COVID-19: 25-майга карата Борбор Азиядагы абал

25-майга карата Борбордук Азияда инфекцияны эң көп жуктургандар Казакстанда болсо, көз жумгандар Тажикстанда көп катталды.

Маалыматка ылайык, коронавирус эпидемиясын жуктургандар Казакстанда 8 531, Өзбекстанда 3 180, Тажикстанда 2 929, Кыргызстанда 1 433 адамга жетти.

Ал эми илдеттен сакайгандар Казакстанда 4 352, Өзбекстанда 2 586, Тажикстанда 1 301, Кыргызстанда 980 бейтапка жетти.

Ошол эле учурда дарттан каза болгондор Тажикстанда 46, Казакстанда 35, Кыргызстанда 16, Өзбекстанда 13 кишиге жетти.

Ал эми Түркмөнстанда коронавирус илдетин жуктургандар жок экенин билдирип келишет. Бирок ага карабастан өлкөдө акыркы коңгуроо жана башка бир катар иш-чараларды өткөрүүгө тыюу салынган.