COVID-19: Кыргызстанда акыркы суткада дагы 100 адамдан табылып, 3 бейтап каза болду

ишкек, 10.09.21. /Кабар/. Кыргызстанда 11-сентябрга карата коронавирус дагы 100 адамдан аныкталды. Бул тууралуу Республикалык штабдан билдиришти.

Маалыматка ылайык, анын ичинде Бишкек шаарында – 55, Чүй облусунда – 17, Ош облусунда - 2, Талас облусунда – 1, Нарын облусунда – 5, Ысык-Көл облусунда – 10, Жалал-Абад облусунда – 6, Баткен облусу – 4 адамдан илдет табылган.

Ал эми бир суткада 146 адам илдеттен сакайып чыккан.

Сутка ичинде COVID-19 илдетинен өлкө боюнча 3 бейтап каза болду.

Бүгүнкү күндө стационарларда коронавирустан 690 бейтап, амбулатордук түрдө 1 миң 94 адам дарыланууда.

Кыргызстанда пандемия башталгандан бери 177 миң 83 адам коронавирус жуктурган. Алардын ичинен 171 миң 326 киши айыгып чыкса, 2 миң 569 адам каза болду.