COVID-19: Тажикстан илдетти жуктургандардын саны боюнча Өзбекстандан ашты

8-июнга карата Борбор Азия мамлекеттеринин арасында коронавирус инфекцисын эң көп жуктургандар жана каза болгондор Казакстанда катталды.

Маалыматка ылайык, коронавирус эпидемиясын жуктургандар Казакстанда - 12 859, Тажикстанда - 4 529, Өзбекстанда – 4 352, Кыргызстанда - 2032 адамга жетти.

Ал эми илдеттен Казакстанда – 7 484, Өзбекстанда – 3 354, Тажикстанда – 2 683, Кыргызстанда - 1 445 бейтап сакайган.

Ошол эле учурда дарттан каза болгондор Казакстанда – 56, Тажикстанда - 48, Кыргызстанда - 23, Өзбекстанда - 17 кишиге жетти. 

Ал эми Түркмөнстанда коронавирус илдетин жуктургандар жок экенин билдирип келишет. Бирок ага карабастан өлкөдө бир катар иш-чараларды өткөрүүгө тыюу салынган.