Кыргызстандагы эл аралык гуманитардык "Мерсико" уюму коронавирустун жайылышын жана жугуштуу оорулардын алдын алуу максатында Бишкек жана Ош шаарларында COVID-19 оорусуна кабылган кош бойлуу аялдарды кабыл алган төрөт үйлөрүнө колдоо көрсөттү. Бул тууралуу Саламаттыкты сактоо министрлигинин басма сөз кызматы билдирди.
Маалыматка караганда, аталган уюм тарабынан жууп-тазалоочу жана дезинфекциялоочу каражаттарды жана маалымат материалдарын Бишкек шаарындагы №2 клиникалык төрөт үйүнө, Ош облустар аралык бириккен клиникалык ооруканасынын төрөт стационарына жана Ош шаардык клиникалык ооруканасынын төрөт үйүнө - Ош перинаталдык борборуна өткөрүп берди.
Которулган каражаттын жалпы наркы 1 500 000 сомду түзөт. Каражатты жогорудагы төрөт үйлөрүнүн бейтаптары жана медициналык кызматкерлери колдонушат.
Пикирлер (0)
Пикир жок. Сиз биринчилерден болушуңуз мүмкүн