COVID-19 менен күрөшүүгө республикалык бюджеттен 5,4 млрд сом бөлүнгөн

Пандемия башталган күндөн тартып республикалык бюджеттен 5,4 млрд сом каражат каралган, анын ичинен 5,2 млрд сом иш жүзүндө коротулган. 

Премьер-министр Кубатбек Бороновдун айтымында, бөлүнгөн каражаттар коронавирус менен күрөшүүгө жумшалган. 

Каражаттар төмөндөгүдөй бөлүштүрүлдү;

- мед жабдууларды (ИВЛ, кычк.концентраторго), ПЦР, экспресс тесттерди, реагенттерди, мед багыттагы буюмдарды, жеке коргонуучу каражаттарды  сатып алууга; 

- саламаттык сактоо кызматкерлерине компенсациялык төлөмдөргө;

- күч түзүмдөрүнүн кызматкерлерине компенсациялык төлөмдөргө;

- обсервацияларды уюштурууга, тамак-ашына ж.б. чыгашаларына;

- аз камсыз үй-бүлөлөрдү азык-түлүк менен камсыздоого;

- гриппке каршы жана пневмококко каршы вакциналарды сатып алууга;

- Мамлекеттик материалдык резервдер фондуна буудайдын жана дары-дармектердин запасын камдоого.