COVID-19 вирусун жуктурган дарыгерлер 200гө жетти

Өлкөдө коронавирус илдетин жуктурган дарыгерлердин саны 200гө жетти. Бул тууралуу бүгүн, 2-майдагы брифингде Саламаттыкты сактоо министрлигинин Коомдук саламаттык башкармалыгынын башчысы Айнура Акматова билдирди.

Маалыматка ылайык, бир сутка ичинде 2 медициналык кызматкер коронавирус жуктуруп алган.

Алар: 

Жалал-Абад облусунда – 1;

Ош шаарында – 1.

Жалпысынан республика боюнча COVID-19 диагнозу менен медициналык кызматкерлер арасында – 200 учур катталды, алардын ичинен 122 медкызматкер айыгып чыккан.