COVID-19дун жаңы учурларынын 59у кайдан жуктурганы белгисиз

Коронавирус инфекциясынын жаңы катталган 132 учурунун 59у кайдан жуктурганы белгисиз. Бул тууралуу саламаттыкты сактоо министринин орун басары Нурболот Үсөнбаев 19-июндагы брифингде билдирди.

"Коронавирус инфекциясынын жаңы катталган 132 учурунун 66сы байланышта болгондор. Сырттан келгендерден 7 учур катталып, алардын ичинде чет жактан келген жарандар менен жүк ташыган айдоочулар бар. Ал эми 59 учурда инфекцияны кайдан жуктурганын жана кандай шартта ооруга чалдыкканын билбейт. Алар эл көп жүргөн жайларда жана коомдук транспортто болгонун айтып жатышат”, - деди Үсөнбаев.

Ошондой эле элди коомдук жайларда жүргөндө сак болууга жана санитардык эрежелерди сактоого чакырды.