Европада коронавирусту жуктургандар өсүп жатат

Дүйнөлүк Саламаттык сактоо уюму Европа өлкөлөрүндө коронавирусту жуктуруунун учурлары өсүп жатканын эскертет. 

Онлайн тартипте өткөн маалымат жыйынында ДССУнун Европадагы аймактык директору Ханс Клюгге учурда ооруга көп чалдыгуулар 25 жаштан 41 жашка чейинки адамдардын арасында байкалып жатканын билдирди. 

Дүйнөдө COVID-19 илдетин жуктуруп алуунун 30 млн учуру катталды. Андыктан ДССУ социалдык аралыкты сактап, беткап тагынууга чакырат.