Дүйнөлүк саламаттык сактоо уюмунун (ДССУ) башкы директору Тедрос Адханом Гебрейесус бир нече жумадан бери көптөгөн өлкөлөрдө COVID-19га кабылгандардын саны көбөйүп жатканын айтып, буга байланыштуу бет кап тагынып, вируска каршы эмдөөдөн өтүүгө чакырды. Бул тууралуу Гебрейесус өзүнүн Х социалдык баракчасына аркылуу билдирди.
"Сасык тумоо жана башка патогендерден келип чыккан респиратордук оорулардын саны бир нече жумадан бери көптөгөн өлкөлөрдө өсүп жатат. Ал майрамдардан кийин да күч алышы мүмкүн", — деп жазган ДССУнун жетекчиси.
Гебрейесус буга байланыштуу коронавирусту текшерген тесттен өтүп, керек болгон учурда дарыгерге кайрылуу керектигин эскерткен.
"Бет кап тагынып, аралыкты сактоону уланта бергиле. Ошондой эле жакындарыңардын COVID-19 менен гриппке каршы эмдөөдөн өткөнүн көзөмөлдөп тургула", — деп кошумчалаган ДССУнун башчысы.
Пикирлер (0)
Пикир жок. Сиз биринчилерден болушуңуз мүмкүн