Бүгүн, 21-августа 270 кишиден турган дарыгерлердин тобу Ысык-Көлдө эс алууга жөнөтүлдү. Бул тууралуу Саламаттыкты сактоо министрлигинин басма сөз кызматы билдирди.
Маалыматка караганда, алар ордо калаанын, Талас, Нарын облустарынын саламаттык сактоо уюмдарында COVID-19 илдети менен күрөшүүгө салымын кошкон адистер.
“Илдеттин очогунда иштеген саламаттык сактоо тармагынын бардык адистерине Ысык-Көлдө эс алууга жолдомо берилип жатат. Дээрлик 2 миңден ашуун кызматкер ден соолугун калыбына келтирүүгө мүмкүнчүлүк алышмакчы. Ысык-Көлдүн таза абасы, туура тамактануу жана физикалык активдүүлүк COVID-19 менен күрөшкөн кызматкерлерибизге пайдалуу болот деген ишеничтебиз”, - дейт саламаттык сактоону өнүктүрүү борборунун адиси Замирбек Акаев.
Жолдомого ээ болгон саламаттык сактоо тармагынын адистери “Алтын-Жай” жана “Эне-Сай” пансионаттарында бир апта эс алышмакчы.
Пикирлер (0)
Пикир жок. Сиз биринчилерден болушуңуз мүмкүн