Дарыгерлерге 46 миӊ сомго чейин компенсация берилип жатат, - министрлик

Саламаттык сактоо министрлиги 8-апрелде COVID-19 жуктуруу очокторунда иштеп жаткан медкызматкерлерге март айынын компенсациялык төлөмдөрүн бере баштады. Бул тууралуу Саламаттык сактоо министрлигинин финансы башкармалынын башчысы Мирлан Атакулов билдирди.

Анын айтуусуна караганда, төлөмдөр эки категорияга бөлүнгөн: 

1) карантиндик-казармалык абалдагы кызматкерлер үчүн;

2) күндүзгү нөөмөт графиги менен иштеп жаткан кызматкерлер үчүн.

Компенсациялык төлөмдөрдүн өлчөмү:

- дарыгерлер үчүн 46 миӊ сомго чейин;

- орто медперсонал үчүн 41 миӊ сомго чейин;

- кенже тейлөөчү персонал үчүн 38 миӊ сомго чейин;

- нөөмөт графиги боюнча иштегендерге 29 миӊ сомго чейин. 

“Төлөмдөрдүн өлчөмү медкызматкердин категориясынан жана жуктуруу очокторунда жүргөндүгүнөн көз каранды”, - деди Мирлан Атакулов.