Дарыканадан акча талап кылган УКМКнын жалган кызматкери кармалды

Бишкекте акча талап кылып жүргөн УКМКнын жалган кызматкери кармалды. Бул тууралуу Милициянын кайгуул кызматынын басма сөз кызматы билдирди.

Маалыматка ылайык, 24-январь күнү Бишкек шаарындагы Чүй-Гоголь көчөсүндө жайгашкан дарыканадан өзүн УКМКнын кызматкери катары тааныштырган жаран акча талап кылган.

Дарыкана ээси Милициянын кайгуул кызматына аталган иш боюнча кайрылган. Милиция кызматкерлери ыкчам иш-чаранын жүрүшүндө 1987-жылы туулган Дж.А. атуу жаранды кармаган. Анын жанында УКМКнын жасалма күбөлүгү табылган.

Учурда тергөө иштери уланууда.