Дастан Бекешев ишкер Генрих Баляндын кармалышы боюнча пикирин билдирди

Жогорку Кеңештин депутаты Дастан Бекешев "Карвен" эс алуу жайынын жетекчиси, ишкер Генрих Баляндын кармалышы боюнча пикирин Телеграм каналы аркылуу билдирди. 

Депутаттын айтымында, Баляндын кармалышында саясатчылардын колу бар. 

"Генрих Баляндын кармалышы боюнча маалыматты окудум. Ал абдан жакшы адам. Ал кандайча мамлекетке зыян келтиргенин билбейм. Бирок анын кармалышына кайсы бир саясатчынын тиешеси болуш керек. Аны алдап жер тилкеси же кандайдыр бир документ боюнча мамлекетке зыян келтиргендир. 

Октябрь айында мен "улуу ачылыш" болот деп айттым эле. Анда бул аракеттер оппозицияга гана болот деп ойлогом. Бирок бардык тармакта болуп жатат",- деди Бекешев.